xeberdarê Me: XELÎL

Hate ragihandin ku, şîrketeke almanî ya taybet, bo tamîrkirina warê  pîrozê êzidiyan Laleşa Nûranî dest bi xebata amadekariyê kiriye.

Şaredarê navçeya Şêxana êzidî Heso Nermo got, muhendisên şîrketa alman Bossing, li gorî daxwaza konseya Şêxanê dest bi xebata nexşegerî û dîzaynê kiriye.

Şaredar got, ev xebat piştî ku metna peymanê di navbera şîrketa alman û rêveberiya Şêxanê de meha nîsanê hate îmzekirin hatiye destpêkirin û bo projeyê 850 000 dolar hatiye  veqetandin.

Nermo got, “Proje yekser di bin kontrola Serokê Herêma Kurdistanê Mesûd Barzanî dimeşe û piştî serdana duyem a Serok Barzanî ya Laleşê dest bi xebatê hatiye kirin. Metna peymanê ji du beşan pêk tê. A yekem Master Plan e û ya duyem jî amadekariyên dîzaynê û ji  perestgeha mezin dest bi xebatê kirine.”  

Warê pîroz Laleşa Nûranî 5 km nêzî navçeya Şêxanê girêdayî bajarê Dihokê ye û 45 km bakûrê Mûsilê ye.   

 ÇAND'A KURDÎ